កម្មវិធីប្រគល់ប័ណ្ណសរសើរជូនដល់និស្សិតឆ្នើមពីររូបដែលទទួលបានចំណាត់ថ្នាក់លេខ១

នារសៀលថ្ងៃពុធ ទី២២ ខែកុម្ភៈនេះ គណៈគ្រប់គ្រងវិទ្យាស្ថានខេមអេដ បានរៀបចំនូវកម្មវិធីអបអរសាទរ និងប្រគល់ប័ណ្ណសរសើរ ជូនដល់និស្សិតឆ្នើមពីររូប កញ្ញា វិចិត្រ អានីតា និងកញ្ញា អៀ ស៊ុយផេង ដែលទទួលបានចំណាត់ថ្នាក់លេខ១ពិភពលោក លើការប្រឡងសញ្ញាបត្រអន្តរជាតិ CAT សម្រាប់មុខវិជ្ជា Foundations in Audit FAU និងមុខវិជ្ជា Foundations in Financial Management FFM កាលពីឆមាសខែធ្នូ ឆ្នាំ២០២២ កន្លងទៅថ្មីៗនេះ ក្រោមអធិបតីភាពដ៏ខ្ពង់ខ្ពស់ពីសំណាក់ ឯកឧត្តមបណ្ឌិត ងី តាយី រដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ។

ដើម្បីជាការលើកទឹកចិត្ត និងអបអរសាទរ និស្សិតឆ្នើមទាំងពីរ នឹងទទួលបានការទស្សនៈកិច្ចសិក្សាទៅកាន់ចក្រភពអង់គ្លេស នាពេលឆាប់ៗខាងមុខនេះផងដែរ។